Ponte Vedra centrosocial@revira.org Categorias
BuscaArquivos
Ferramentas do usurio
Feeds XML
What is RSS? |
A Revira rejeita a presença do Circo de animais em Ponte Vedra
Os circos representam um espectáculo que busca ser agradável, divertido e fomentar valores positivos nas cativas (principal público) mas tambén no resto de pessoas que acodem às suas funçons. Neles, palhaÇos, contorsionistas, cómicos, acróbatas e prestidigitadores fam as ledícias das espectadoras, mas há determinadas companhias circenses que nos seus programas incluem números nos que usam animais. Desde a Associaçom Cultural Revira queremos amossar a nossa repulsa cara estas práticas, que consideramos portadoras de crueldade polas seguintes razons (entre outras): - Catividade e transporte: Quando nom se atopan actuando, os animais que se ussam nos circos passam entre um 70 e um 90% do tempo engaiolados e submetidos a um profundo stress, assim como também com os seus instintos básicos coartados. Isto fai que desenvolvam comportamentos anormais, conhecidos coma Zoocose, termo acunhado em 1992 quando Travers se referia por primeira vez aos comportamentos neuróticos froito do cativerio ao que moitos animais eram (e som) submetidos nos zoológicos. Alguns exemplos de conductas zoocóticas som auto-mutilaçom, canibalismo, caminhar em círculo constantemente, apatia, agressividade (o que conduce também ao canibalismo e a matar outros animais) ou coprofilia (acto de alimentarse ou “jogar” com os seus propios excrementos). No transporte, os animais vam igualmente engaiolados, nas mesmas condiçons que quando permanecem num lugar determinado, engadindo o constante movemento e o facto de estar sendo despraçados a grande velocidade durante longas distancias sem apenas parar. Consideramos que é inumano o confinamento de animais presente nos circos e os demais calvarios que este conleva, assim como o facto de arrincá-los do seu hábitat. - Adestramento: Aproveitando capacidades fisiológicas e habilidades naturais, os animais som forçados a realizar acçons antinaturais. Ursas “bailarinas”, elefantas “acróbatas”, tigres saltando no meio de aros de lume, porcos lançados desde grandes alturas a piscinas cheias de água… Pode semelhar divertido a simples vista mas detrás agocha-se a realidade da violência, a coacçom e o condicionamento para forçar a umha criatura a ter um comportamento ou outro, com a lógica de que se nom asimila e reproduce esas açons, padecerá danos físicos. Nos adestramentos empregam-se instrumentos coma descargas elétricas, latigazos e malheiras para que os animais aprendam o que tenhem e non tenhem que fazer. Por estas e outras razons, consideramos os circos com animais um exemplo de TORTURA, comparável à tauromaquia e outros, e consideramos urgente actuar. Em diferentes partes do Estado, os concelhos já tomaram medidas contra o emprego de animais nos circos e desde a A.C. Revira queremos instar ao concelho de Ponte Vedra a que faga o mesmo e nom consinta um minuto mais o maltrato, a escravitude e o sufrimento de moreias de animais.
Memoria histórica, literatura e Entroido, entre as novas atividades da associaçom
A Revira organiza um intenso programa de atividades para as vindouras datas. As propostas da nossa associaçom cultural vam desde a recuperaçom da memória histórica recente até a divulgaçom do passado medieval da Galiza, a celebraçom do Entruido, ou a apresentaçom da nova literatura galega de viagens. As atividades som as seguintes: Sábado 19 às 20:30: "Curuxás, o guerrilleiro que non cazou Franco", apresentaçom do livro a cárrego de Carlos Parrado. Sábado 2 às 20h : Conferência Reino Suevo de Gallaecia a cárrego do historiador galego Anselmo López Carreira. Sábados 9 e 16: Celebraçom do Entruido 2013, em colaboraçom com o Centro Social En Pé. Nos próximos dias publicaremos o programa íntegro. Terça-feira 12 às 21:30: Campionato de matraquilhos. Sábado 23 às 20h.: Apresentaçom do livro de Sechu Sende "Viagem ao Curdistám para apanhar estrelas".
Actividades de Siareir@s Galeg@s em torno do Galiza-Curdistám
De forma consequente com o nosso apoio às selecçons nacionais, A Revira acolherá um conjunto de actividades prévias à jornada do 29, organizadas por Siareir@s Galeg@s Ponte Vedra no nosso local social. Este é o programa: Sexta 21 Sábado 22 Sexta 28
Jornadas polas selecçons galegas em Ponte Vedra
A Revira apoia as jornadas polas selecçons galegas que cada ano organiza Siareiros Galegos, e que este ano terám lugar na nossa cidade. No nosso local podes adquirir os bonos para as diferentes actividades, ademais de obter mais informaçom sobre este completo evento que mistura cultura, desportos, festa e convívio ao longo de todo um dia. Adjuntamos a continuaçom a programaçom desta ediçom Pginas: 1 · 2
Abre um novo centro social em Ponte Vedra
Um novo centro social abrirá as portas em breve na nossa cidade. Engadirá-se assi aos três que já estám em andamento, cada um com as suas características e atividades diferentes: o Liceo Mutante, a Asociación Cultural Pontemuíños e A Revira. O novo projeto tem o nome de "En pé, centro social e cultural", e realizará o vindeiro dia 13, às 20:30, umha assembleia aberta de apresentaçom, que terá lugar no local social da Revira. Desde a nossa associaçom transmitimos os nossos parabéns aos promotores do centro social e desejamos o melhor dos futuros para o seu trabalho, que com certeza enriquecerá o movimento cultural e reivindicativo na cidade. Vemo-nos na quinta feira 13 às 20:30.
1 2 3 4 5 6 7 8 9 10 11 ... 60 >> |
ReviraO Local Social Revira é um espaço alternativo galego inserido e ao serviço do movimento popular da comarca de Ponte Vedra fundado em Dezembro de 2003 Somos umha entidade independente, autogerida e plural, com visom de País e um projecto de esquerda anticapitalista. Mais Informaçom Ligações
|