NABIGATZEKO LAGUNTZAK
Joan orrialde honetako eduki nagusira
Joan orrialde honetako menu nagusira
LAGUNTZA-MENUA
ORRIALDEAREN EDUKI NAGUSIA
Emozioak gure bizitzan daude jaiotzen garenetik, eta gure nortasuna eraikitzerakoan eta elkarrekintza sozialean paper garrantzitsua betetzen dute.
Egunero hartzen ditugun erabakien iturri nagusia izateaz gain, emozioek eboluzio-prozesu guztietan esku hartzen dute: komunikazioaren garapenean, ezagutza sozialean, informazioa prozesatzerakoan, atxikimenduan, garapen moralean, etab. (Aritzeta, Pizarro eta Soroa, 2008: 26).
Oinarrizko emozio eta emozio konplexuak bereiz ditzakegu; eta, halaber, atseginak (positiboak) eta ezatseginak (negatiboak).
Emozioen sailkapen-mota asko dago, eta horien artean zenbait berdintasun eta desberdintasun aurki ditzakegu, baina, hemen, kasu honetarako egokiena dena irizten duguna aurkeztuko dugu:
Oinarrizko emozioak | Emozio konplexuak | |
---|---|---|
Iturria: Aritzeta, Pizarro eta Soroa (2008: 26), Campos, Barret, Lamb, Goldsmith eta Stenbergen lanetik moldatua (1983). | ||
Negatiboak | Sumina – Beldurra – Tristura | Lotsa, gorrotoa, jelosia, inbidia, mespretxua, atsekabea, etsipena, errua, aspertzea, mesfidantza |
Positiboak | Poza – Interesa – Harridura | Plazera, jakin-mina, gurtza, harrotasuna, estasia. |
Emozioek funtsezko funtzioak dituzte:
Funtzio horiek, gainera, prebentzio eta aurre hartze-izaera dute eta norbanakoaren garapenean era esanguratsuan eragiten dute. Buruko beste prozesu batzuetan eragina dutenez, hautemateko, arreta jartzeko, memorizatzeko, arrazoitzeko eta errealitatea sortzeko moduan eragin dezakete.
ORRI-OINA