Bihar Alde Historikoko jaia ospatuko da
Irudiak
- Artziniega
Jaieguna Urizahar auzo-elkarteak antolatzen du, AEMEren, udalaren eta auzokoen laguntzaz. Ekitaldiak Goiko Plazan egingo dira arratsaldeko 19:30etik aurrera.
Bihar, hilak 9, Artziniegako alde zaharreko jaieguna ospatuko da. Bost urte joan dira Urizahar auzo-elkarteak urte luzez galduta egondako ospakizun hau berreskuratu zuenetik, eta aurtengoan, krisia gorabehera, berrindartuta dator auzokoen eta elkarteen ekimenari esker. Jaiak oinarri historikoa du, duela urte batzuk arte Gorpuzti Eguna ospatzen baitzen, baina auzokoek ospakizun hori gaurkotu gura izan dute eta hirigune historikoaren giroa eta elkarlana suspertzeko baliatu dute.
Ekitaldi guztiak, ohi lez, Goiko Plazan egingo dira 19:30etik aurrera alde zaharreko bizilagunen, merkatarien elkartearen eta udalaren laguntzaz. Lehenengo ekitaldiak umeei zuzenduak egongo dira; jolasak izango dituzte hasteko eta ondoren, 20:00etan, buru-handiak. Jarraian auzkoek eroandako patata tortillak dastatzeko aukera egongo da, ardoaz lagunduta, eta 20:30etik aurrera musika egongo da Goiko Plazan DJ Perurekin. Amaitzeko, txokolatada egongo da 22:30ean, eta 23:30ean jaiari amaiera emango zaio, xanpaiaz lagunduta.
- alde
- Artziniega
- jaia
- zaharra
Gehitu iruzkin bat
- Modu zuzen edo traketsean izan, euskarazko testuak onartuko dira soilik.
- Irainak, debaldeko salaketak eta difamazioak onargaitzak dira.
- Arauok hausten badira, Aiaraldea Komunikazio Leihoak neurriak hartuko ditu, iruzkina ezabatzea barne.
- Azkenik, errespetuz eta zentzuz jokatzeko deia luzatzen dizuegu.