Andoain 2012-06-08 10:26:00
Inquitex lantegia ibilbide luzearen amaieran
Inquitex lantegiak likidazio eskaera aurkeztu zuen maiatzaren 11n, Donostiako merkataritzako epaitegian. Zuzendaritzak adierazi duenez ezin izan dio aurre egin hogei milioi euroko zorrari, eta horrek eragin du likidazio eskaera. Langileak erabat kezkatuta daude; jada kale gorrian ikusten dute euren burua, eta lantegiak diru kopuru handia zor die.
Andoain 2012-06-08 10:21:42
Zientziak ez du zertan aspergarria izan behar
Ane, Koldo, Maite, Andoni eta Mikel La Salle-Berrozpe ikastetxeko ikasleak dira eta Iñigo Amenabar irakaslearekin batera First Lego League zientzia txapelketan parte hartu dute.
Aurtengo gaia elikagaien segurtasuna da, eta andoaindar hauek Bantute sortu dute; elikagai txarrak identifikatzen dituen tresna.
Andoain 2012-06-08 09:58:21
Klikmetroak, On egiteko beste era bat
2011an Azpeitiako Ikasberri ikastolak Kilometroak jaiera berrikuntza bat ekarri zuen. Nahi duenari Kilometroetako zirkuituko metro bat eskuratzeko aukera luzatzen dio Klikmetroak izeneko egitasmoak. Iaz, zirkuituak zituen 6500 metroak modu birtual honetan egin zituzten. Aurten ibilbideak 6700 metro ditu eta zirkuituari bi itzuli egiteko erronka erdietsi nahi du Aita Larramendi ikastolak.
Andoain 2012-06-08 09:48:53
Andoain-Berrobi Herriartekoan, ostiral honetan Arraten
Andoain taldeak herrikideen animoak beharko ditu Berrobi talde indartsua mendean hartzeko.
ANDOAIN–BERROBI
Ekainak 8, ostirala. 21:00, Arrate:
Andoain 2012-06-07 12:31:18
Iturzaeta memoriala aurrera doa, asteburu honetan partida gehiago Sorabillan
Iturzaeta Memorialeko pala txapelketa herrikoiak aurrera jarraitzen du Sorabillako pilotalekuan, eta hainbat partida iragarri dira asteburu honetarako. Emakumeen ligaxkako neurketak ostiralean jokatuko dira, arratsaldeko 17:30etatik aurrera. Irati Loiarte eta Irati Amondarainek osatutako bikotea doa lehenbizko postuan, orain arteko hiru partidak irabazita eta gero.
Andoain 2012-06-07 11:14:29
ESCIVIkoen eskerrona
Andoaingo zine eta bideo eskolako ikasle batzuk Kultur Aste oparoa antolatu zuten Basteron. Horra, ikasleen eskerrona:
Andoain 2012-06-07 11:12:46
Amuarrain eguna igande honetan Andoainen
Ekainaren 10ean ospatuko da Zumea plazan Amuarrain Eguna. Festa antolatzen den hirugarren urtea da dagoeneko, eta jaialdiak gure herriarekin hain lotura estua duen arrain hau izango du ardatz. Leitzarango Uraren Interpretazio Zentroak eta Arrantza Eskolak antolatuta, hainbat ekintza egingo dira egun osoan zehar: Leitzaran bailaran zehar ibilaldiak, amuarrain pintxo-potea, arrantza ikastaroak, musika eta giro bikaina.
Egitaraua:
Villabona 2012-06-07 11:09:06
Ekainaren 16an Billabona FKEren eguna
Hilaren 16an, Billabonako Futbol Klub Elkarteak bere eguna ospatuko du. Ekitaldien artean, bazkari bat egingo dute Txermingo Ikastola azpian. Eguerdiko 13:15etan Txarangarekin batera bazkaltzera joango dira eta bazkaldu ondoren ere txarangaz gozatzeko aukera izango da. Bazkarirako txartelak ekainaren 9ra arte egongo dira salgai “Kazetarian (Perdiodista)”.
Andoain 2012-06-07 11:08:05
Gipuzkoaren jatorria eta Nafarroako konkista hizpide
Gazta gazte asanbladaren eskutik, Gipuzkoaren jatorria eta Nafarroako konkista hizpide egun hauetan Andoainen.
Egitaraua:
Andoain 2012-06-07 11:03:48
Kirol astea ekainaren 11tik 17ra
Ubitarte futbol zelaiaren ekitaldi aretoan Ainara Rodriguez alkate-ordeak eta Ixiar Olano kirol teknikariak Kirol Astearen eta Kirol merezimendu sariaren aurkezpena egin zuten. Alboan izan ziren Allurralde kirol patronatuko kideak eta herriko kirol elkarte askotako ordezkariak.
Egitaraua:
Bideoa