PASAHITZA
Joan dira urte batzuk azken lozorrotik iratzarri zela Arabako euskalduna. Harrezkero euskaraz pizten den hiztunen taldea haziz doa Araban: euskaraz mintzo den euskalduna ez ezik, euskaraz ikasi eta euskaraz berba egitea lortu zuena ere euskararena da, baita bidean euskararen Arabaren bidean geratu zena ere. Edota oraindik ere horretan ari dena ere bai; halaber, ikasten hasi gabe, hasiko dela dioena nagia ateratzen ari dena. Edo seme-alabak, lobak edo ilobak ikasten duten hizkuntza ezin hitz eginez ibiliagatik, etxeko gaztetxoak euskaraz ari direlarik entzuten ikasiz ulertzera heldu dena. Urrunekoa izanda ere, euskaraz ernatuta hur-hurreko egin dena.
Euskararen gaineko atal ugari topatuko dituzu web gune honetan, Araban hizkuntza- biziberritze prozesua apal-apal baina gertatzen ari delako. Gizarte elebiduna hiztunen erabakiek egiten dutelako unean-unean elebitasunerantz edo eleaniztasunerantz jauzi eginez. Harro egon behar dugu Araban gero eta gizarte eleanitzago bat sortzen, biziberritzen eta asmatzen ari garelako, elebitasunak berak ekuazio matematiko zaila baino zailagoa zirudienean.
Azken finean, hartu-eman honetan ez dago galtzailerik, euskarak irabazi du, baina gaztelaniak ere bai. Biek irabazi egin baitituzte arabar alerik prestuenak eta etorkizunekoak: elebidunak.
Horien lan nekaezina eskertu nahiko luke web gune honek, izan ere, hizkuntzen soroan begirunez jokatuz gero uzta emankorra suerta daiteke, arreta eta ardura tanta batzuk nahikoak dira eta.
Arabako euskararen atarian elebakar sar gaitezke, baina ziur elebidunago aterako garela. Euskararen berriak intereseko dituen oro zabal hartuko dugu. Euskararen ataria irekia da. Atea jo eta pasahitzaren bat erabiltzea baino ez duzu: barkatu, eskerrik asko, ari naiz, astiro mesedez, agur...
Euskararen agenda
Ekaina 2012 | ||||||
1 | 2 | 3 | ||||
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 |
GEUrekin mendira: Ogoo
Gasteizko Irakurle Kluba
Bidali proposamena
Ba al zenekien?
Noski, Gasteizko Eskola Publikoko Euskararen Astearen maskota da.
Jardunaldiak
Gerardo Lopez de Guereu 2012 Lehiaketa
Estranet