participa no anuario
Abrimos a convocatoria para a partipación no anuario Creatividade Galega 2010 con novidades.
Como sabedes, en 2006 iniciamos a andaina do primeiro anuario da publicidade e do deseño en Galicia. Ano a ano fomos consolidando o proxecto grazas ás persoas e colectivos que paulatinamente foron confiando nel e sumándose, aportando as súas opinións e tratando de mellorar o anuario en cada nova edición.
Froito do proceso de sumar esforzos na promoción do sector da publicidade e o deseño en Galicia xurdiu en 2010 a asociación Creatividade Galega, que para nós é unha culminación e un novo primeiro paso.
Como é normal, un fito tan importante na historia de Creatividade Galega debía tamén reflectirse no anuario de 2010, o primeiro que editará a nova asociación e o quinto para os seus autores. Así pois, nesta nova edición tentamos manter as cousas boas da publicación e introducir dúas melloras froito do feedback que recibimos de vós e que tanto agradecemos.
Creatividade Galega 2010
1- Incorporamos unha nova sección: “Campañas”. En resposta ás vosas demandas, a nova edición contará cunha categoría propia para as campañas integrais onde se poida apreciar o conxunto creativo dunha serie de pezas.
2.- Facémonos máis selectivos. A partir da edición de 2008 comezamos a destacar en páxinas completas ou dobres páxinas aqueles traballos que acadaban as maiores puntuacións do noso xurado. O novo anuario terá menos traballos e máis espazo para amosalos, sen perder a pluralidade e representatividade que caracteriza a publicación, posto que seguimos estando abertos á participación de todos, asociados ou non.
Convocatoria para Creatividade Galega 2010
Os traballos enviados deberán ter sido aprobados, emitidos ou publicados no último ano, excepto aqueles que opten a ser publicados na sección de promesas. O número máximo de traballos que pode enviar cada empresa será de 10. Non poderá haber máis de 3 bodegóns entre os orixinais enviados. Prégase, na medida do posible, evitar a utilización de fondos. Haberá que especificar o cliente de cada unha das creatividades. Enviar os traballos en CMYK cunha resolución de 300 ppp. Capturas de pantalla: en CMYK e 300 ppp e utilizando o navegador SAFARI (Macintosh). Vídeos: Achegar arquivo .avi e un máximo de 8 fotogramas. Incorporar a seguinte información de utilidade para elaborar o directorio de compañías participantes: dirección, teléfono, fax, enderezo web, correo electrónico, persoa de contacto. Prazo de envío A participación é gratuita, pero o plazo de recepción de orixinais remata o 1 de marzo de 2011.
O libro mantén as 10 seccións habituais e incorpora “Campañas”: Imaxe e aplicacións corporativas (logos, papelerías, sinalética,…) Packaging (embalaxes) Campañas Gráfica xeral (carteis e ilustracións, dípticos e polípticos) Gráfica Publicitaria (anuncios en prensa e revistas) Exterior (dinámica, estática, mupis, vallas) Deseño editorial (libros) Revistas, catálogos e publicacións corporativas Deseño online Audiovisual Soportes alternativos (publicidade en móbiles, viral,…) Promesas (alumnos das universidades e escolas de Galicia) Forma de envío Enviar vía mail toda a información a: participa@creatividadegalega.org Envíos postais: Jesús Pérez Seoane Facultade de Ciencias Sociais e da Comunicación. Buzón 68 Universidade de Vigo. Campus de A Xunqueira S/N 36005-Pontevedra |