El TSXA anuló'l PXOU de Xixón
Por InfoAsturies- tamañu fonte disminuir el tamañu de la fonte aumentar tamañu la fonte
- Imprimir
-
- 1
- 2
- 3
- 4
- 5
El Tribunal Superior de Xusticia d'Asturies dio a conocer la so decisión d'anular el Plan Xeneral d'Ordenación Urbano del conceyu de Xixón, depués d'evaluar los distintos recursos presentaos por coleutivos vecinales, escontra un proyeutu urbanísticu que dende l'entamu cuntó col refugu del movimientu vecinal y delles organizaciones polítiques ensin representación na casa conceyu, como foi'l casu de l'agrupación Bloque-UNA qu'anguaño conforma Compromisu por Xixón.
El TSXA aceptó l'argumentación vecinal de que se vulneraron drechos durante la información pública. Nesi sen, destaquen la falta d'informes xeolóxicos, y otros estudios rellacionaos col impautu del plan nes sos distintes actuaciones. L'Ayuntamientu llegó a dirixir a los vecinos a alministraciones del gobiernu asturianu pa la consulta d'informes de competencia conceyil, fechu que dende la xusticia consideren una vulneración nidia de la llei y, poro, de los drechos vecinales.
- Asturies
- Conceyos