xit dera IV Edicion dera lhada
|
Dimars, 06 de Mar de 2012 |
Eth passat dimenge, dia 4 de març, se celebrèc en Plan de Beret, era IV Edicion dera Òlhada, event gastronòmic qu’aufric era degustacion deth plat insigne dera gastronomia dera Val d’Aran, coma ei era òlha aranesa.
Es quate restaurants que participèren: Casa Estampa (Escunhau), Unhòla (Bageregue), Restaurant 2.200 (Cap de Baqueira) e Era Lucana (Vielha), aufriren 500 racions d’òlha, acompanhada damb vin aufèrt pera Bodega Príncipe de Viana. Es restaurants se mostrèren fòrça satisfets damb era participacion dera gent que s’apropèc ara degustacion e manifestèren que s’auessen dispausat de més racions les auessen acabat totes, pr’amor que lèu s’acabèren es existéncies d’òlha.
Es visitants ara òlhada, s’interessèren pera gastronomia aranesa, en tot demanar informacion as restauradors sus eth plat. A més, en tot acabar era degustacion, se hèc una tòia d’un dinar en cada un des quate restaurants participants.
Era Tocineria Casasnovas aufric ua degustacion de patè, que, coma era òlha aranesa, formen part des productes dera Marca de Garantia Productes dera Val d’Aran e informèc ara gent dera preséncia dera marca ena hèira Alimentària.
|
|
Renion informativa ent emprenedors deth CEEI de Casau en Conselh Generau d'Aran
|
Diuendres, 02 de Mar de 2012 |
Diuendres s’amièc a tèrme en Conselh Generau d’Aran, era prumèra reünion informativa e de presentacion deth Centre Europèu d’Empreses Innovadores (CEEI), de Casau.
Era presentacion anèc a cargue deth vicesindic 1èr e conselhèr d’Administracion Publica, Finances e Coneishement deth CGA, Luís Carlos Medina, acompanhat deth vicepresident 3au e deputat de Promocion Economica dera Diputació de Lleida, Pau Perdices.
Er encargat d’informar sus eth foncionament, e en qué consistissen es CEEI, siguec Josep Mª Barrufet, responsable d’innovacion e naues tecnologies deth CEEI de Lleida, qu’entre d’autes causes expliquèc qu’es Centres d’Iniciatives Empresariaus, nèishen ena Union Europèa, en tot pensar enes ambits ruraus, entà favorir era ajuda as emprenedors.
Actuaument ena província de Lleida i a quate CEEI en foncionament, e quate mès en procès de definicion, entre es que se tròbe eth CEEI De Casau ena Val d’Aran.
A trauèrs deth CEEI de Lleida, e mejançant era Diputació de Lleida, eth Conselh Generau d’Aran, receberà tot tipe d’assessorament entara pròplèu metuda en marcha deth centre de Casau. Es emprenedors e professionaus relacionats damb es Tecnologies dera Informacion e Comunicacion (TIC), interessats en plaçar era sua activitat economica en Casau, receberàn tot er assessorament en ço que tanh ara emprenedoria, innovacion e formacion en abilitats directives, gestion dera innovacion e formacion en TIC, per part des tecnics deth CEEI de Lleida.
Un des aspèctes destacats der assessorament qu’aufrís eth CEEI de Lleida, ei ajudar as emprenedors tà elaborar eth sòn Plan d’Empresa e tanben tà trapar vies de finançament entàs sòns projèctes.
Ena reünion informativa i assistiren ua desèna d’emprenedors e emprenedores deth sector des naues tecnologies, atau coma tanben diuèrsi professionaus independents.
Eth conselhèr Luis Carlos Medina, expliquèc qu’eth CEEI de Casau, compde damb 18 dependéncies a disposicion des emprenedors, e qu’es espacis son d’entre 22 e 30 m2., ajustats as besonhs des emprenedors.
Toti es emprenedors e emprenedores interessats en conéisher mès detalhs deth CEEI de Casau, e en plaçar-i era sua activitat economica, se pòden adreçar dirèctament ath Conselh Generau d’Aran.
|
|
IV Edicion des Jornades Gastronomiques deth Caviar dAran
|
Diuendres, 02 de Mar de 2012 |
Pendent era pròplèu setmana, deth 5 ar 11 de març, se celèbre era IV Edicion des Jornades Gastronomiques deth Caviar d’Aran e es sòns derivats, eveniment gastronomic qu’aufrís menús, degustacions o pinchos damb caviar nacarii, producte que s’elabòre des der an 1.999 ena piscifactoria de Les.
Enguan participen tres restaurants: Era Lucana, Era Coquèla e Restaurant Urtau e 2 bars: Tauèrnes Urtau e Hosteria Catalana.
Cau rebrembar qu’eth caviar nacarii ei includit ena Marca de Garantia Productes dera Val d’Aran.
“Damb aguest tipe d’eveniment çò que volem ei potenciar eth torisme gastronomic damb productes elaborats ena Val d’Aran” a manifestat Anna Díaz, conselhèra de Torisme deth Conselh Generau d’Aran.
|
|
Dijaus, 01 de Mar de 2012 |
Edicion dera òlhada der an passat
Eth pròplèu dimenge, dia 4 de març, a compdar des 12.00 ores, se celèbre en Plan de Beret, era IV Edicion dera Òlhada, event gastronòmic qu’aufrís era degustacion deth plat insigne dera gastronomia aranesa.
Enguan participen quate restaurants: Casa Estampa, Unhòla, Restaurant 2.200 deth Cap de Baqueira e Era Lucana. Tanben era Tocineria Casasnovas aufrirà ua degustacion de patè, bolh nère e langoïssa que, coma era òlha aranesa, formen part des productes dera Marca de Garantia Productes dera Val d’Aran.
Era degustacion dera òlha aranesa acompanhada damb vin aufrit pera Bodega Príncipe de Viana, s’aufrís per un prètz simbolic de tres èuros e se pòt emportar como rebrembe era caçoleta d’hanga a on se servís.
Era conselhèra de Torisme deth Conselh Generau d’Aran, Anna Díaz a manifestat qu’ “ei ua forma d’apropar e dar a conéisher as toristes/esquiadors que mos visiten eth nòste plat tipic, e tanben potenciam era nòsta Marca de Garantia Productes dera Val d’Aran”.
Assistents ara degustacion dera òlha er an passat
|
|
Eth Tour Operador "Neilson-Thomas Cook", visite pendent tres dies era Val d'Aran
|
Dijaus, 01 de Mar de 2012 |
Des deth passat dimenge e enquia aué dimèrcles, es maxims responsables deth tour operador britanic “Neilson Thomas- Cook
| |
|