|
Version aranesa dera web deth Parc Nacionau d'Aigestortes
|
|
Dimrcles, 07 de Mar de 2012 |
|
Eth Departament d'Agricultura dera Generalitat de Catalunya met a disposicion des persones usatgères dera web oficiau deth Parc Nacionau d'Aigüestortes e Estan de Sant Maurici era sua version en aranés.
Des d’ager, dia 6 de març, es usatgèrs dera web deth Parc Nacionau, includida en hilat de Parcs de Catalonha, qu’entèste eth Departament d’Agricultura, Ramaderia, Pesca, Alimentacion e Miei Naturau, dejà pòden accedir a tota era informacion qu’aguesta aufrís en lengua aranesa.
Aguest trabalh s’a amiat a tèrme en collaboracion damb era Xarxa Tècnica de Política Lingüística deth Departament, en çò que tanh ara revirada de tèxtes, e damb era Seccion d’Atencion Ciutadana e Informacion, respècte ath supòrt tecnic.
Er Aranés ei era lengua dera Val d’Aran e se considère ua varianta deth dialècte gascon. Coma lengua oficiau en Catalonha, amassa damb eth catalan e eth castelhan, e coma lengua pròpria dera Val d’Aran, includida laguens deth territòri deth Parc Nacionau, er aranés arribe ara web deth Parc damb era finalitat d’ampliar e de mielhorar eth hilat comunicatiu damb es persones usatgères.
La trobaratz en www.gencat.cat/agricultura.
|
|
Eth Conselh Generau d'Aran e Baqueira Beret, signen un conveni entara naturalizacion e era integracion deth lac artificiau d'rri
|
|
Dimrcles, 07 de Mar de 2012 |
|
Aguesta setmana eth sindic d’Aran Carlos Barrera e Jordi Cardona, director de montanha de Baqueira Beret S.A., an signat en Conselh Generau d’Aran, un convèni damb er objectiu de definir e establir eth marc de collaboracion en relacion as òbres e actuacions que s’an d’amiar a tèrme entara naturalizacion e integracion deth lac artificiau d’Òrri en sòn entorn naturau. Eth Conselh Generau d’Aran contribuïrà ath finançament d’aguest projècte, damb ua aportacion totau de 50.000 èuros.
Era finalitat deth lac artificiau d’Òrri, ei garantir era innivacion des pistes dera estacion d’esquí de Baqueira Beret, en tot profitar ua depression dejà existenta en terren.
Eth Conselh Generau d’Aran a agut en compde qu’era zòna a on s’a hèt era installacion d’aguesta infrastructura, ei freqüentada en ostiu per nombrosi bestiar. Era activitat ramadèra ena Val d’Aran, e especiaument ena zòna d’Òrri , ei un des valors que se considèren fonamentaus entath futur dera economia aranesa, tant entara conservacion deth territòri coma entara diversificacion dera activitat economica.
D’un aute biais, e coma ei sabut, eth Conselh Generau d’Aran a transferides es competéncies en matèria de sauvament e extincion de huecs, e se considère qu’eth plaçament d’aguest lac artificiau pòt servir coma element estrategic, pr’amor que pòt èster utilizar coma depòsit d’aigua entàs mejans aerians e terrèstres en cas d’extincion de bèth huec.
Finauments, eth plaçament deth lac, en miei d’ua zòna toristica e paisatgistica privilegiada, e en tot respóner tanben en desvolopament des competéncies transferides en matèria de promocion toristica, ei considerat peth Govèrn deth CGA, coma un equipament que permeterà mielhorar er atractiu toristic d’aguesta zòna dera Val d’Aran.
|
|
|
Vau Campionat Fondacion Jess Serra
|
|
Dimrcles, 07 de Mar de 2012 |
|
Era pròplèu dimenjada, 10 e 11 de març, se celebrarà a Baqueira eth Vau Campionat Fondacion Jesús Serra.
Aguest campionat se hè en aunor a Jesús Serra, fondador deth Grop Catalana Occidente e Aranés Illustre, siguec eth promotor deth complèx esportiu de montanha qu’aué a era Val d’Aran, Baqueira Beret.
Eth guanhador e guanhadora absoluts menors de 25 ans obtieràn ua beca d’estudis entà contunhar era sua formacion, e seguir en mond dera nauta competicion der esquí e, ath madeish temps, formar-se estudiant.
Aguest campionat tanben serà ua gran hèsta der esquí ara quau i són convidadi toti es participants, de totes es edats e de toti es nivèus. I aurà ua tòia de regals, suspreses e competicion pendent es dus dies.
Programa
Diuendres, 9 de març
De 9 a 21 ores - Recuelhuda de documentacion enes oficines de Baqueira Beret 1.500
Dissabte, 10 de març - Gigant
De 9.15 a 9.45 ores - Reconeishement dera pista
10 ores - Gessuda prumèr corredor
14.00 o 14.30 ores - Entrèga de premis e aperitiu
A compdar des 22 ores - Hèsta en “La Luna” d’Arties.
Dimenge 11 de març - Parallèl
10.00 ores - Gessuda dera prumèra parelha de corredors (participaràn es 16 mielhors temps de hemnes e es 32 mielhors temps d’òmes)
14.00 ores - Entrèga de premis e tòia de materiau
Entà més informacion: www.baqueira.eso en telefon: 973 63 90 10.
|
|
|
"7au G.P.Cerdanya" 29au Lliga Catalana Infantil I
|
|
Dimars, 06 de Mar de 2012 |
|
Marc Montes deth CEVA guanhe eth Slalom Gegant deth 7au GP Cerdanya
Es dies 3 e 4 de març se recuperèc era corsa 7au GP Cerdanya d'Infantils e que se suspenèc ena prumèra setmana de gèr per manca de nhèu.
En Slalom Gegant er aranés Marc Montes deth CEVA quedèc en prumèra posicion dempús de guanhar es 2 manges en tot obtier ua clara diferéncia.
En Slalom Marc acabèc ena 9au posicion mentre qu’eth sòn companh d'equip Samu Bannet siguec desqualificat en segon set, dempús d'auer artenhut eth quatau mielhor temps dera prumèra manja.
|
|
|
Circut Audi Quattro Cup Alevins "XV Trofeg Amics de Montgarri"
|
|
Dimars, 06 de Mar de 2012 |
|
"TRIO D’ASI ENTÀS CORREDORS DETH CEVA"
Eth passat cap de setmana s’amièc a tèrme en Baqueira Beret eth"XV Trofeg Amics de Montagarri" pròva deth circuït "Audi QuattroCup de Alevins". Damb ua participacion de 330 corredors de tot Catalunya, Andorra e d’autes federacions autonomicas, era pròva ei considerada coma ua des mès importantes que se celèbren a nivèl nacionau laguens dera categoria des alevins. Er eslalom gegant se celebrèc damb ues condicions climatologiques molt complicades pr’amor dera intensa nhèuada que queiguèc ath lòng de tot eth maitin, mentre qu’entath supergegant de dimenge es condicions sigueren mielhor i se podec gaudir d'ua grana jornada de velocitat.
Deth Club d'Esquí Val d'Aran (CEVA) participèren 37 corredors qu’artenheren uns extraordinaris resultats en tot obtier 8 pòdiums e 3 des 4 guanhadors ena combinada des 2 disciplines disputades, resultats que confirmen eth gran bon estat de forma des corredors deth CEVA .
|
|
Liger ms...
|
|
|
xit dera IV Edicion dera lhada
|
|
Dimars, 06 de Mar de 2012 |
|
Eth passat dimenge, dia 4 de març, se celebrèc en Plan de Beret, era IV Edicion dera Òlhada, event gastronòmic qu’aufric era degustacion deth plat insigne dera gastronomia dera Val d’Aran, coma ei era òlha aranesa.
Es quate restaurants que participèren: Casa Estampa (Escunhau), Unhòla (Bageregue), Restaurant 2.200 (Cap de Baqueira) e Era Lucana (Vielha), aufriren 500 racions d’òlha, acompanhada damb vin aufèrt pera Bodega Príncipe de Viana. Es restaurants se mostrèren fòrça satisfets damb era participacion dera gent que s’apropèc ara degustacion e manifestèren que s’auessen dispausat de més racions les auessen acabat totes, pr’amor que lèu s’acabèren es existéncies d’òlha.
Es visitants ara òlhada, s’interessèren pera gastronomia aranesa, en tot demanar informacion as restauradors sus eth plat. A més, en tot acabar era degustacion, se hèc una tòia d’un dinar en cada un des quate restaurants participants.
Era Tocineria Casasnovas aufric ua degustacion de patè, que, coma era òlha aranesa, formen part des productes dera Marca de Garantia Productes dera Val d’Aran e informèc ara gent dera preséncia dera marca ena hèira Alimentària.
|
|
|
Renion informativa ent emprenedors deth CEEI de Casau en Conselh Generau d'Aran
|
|
Diuendres, 02 de Mar de 2012 |
|
Diuendres s’amièc a tèrme en Conselh Generau d’Aran, era prumèra reünion informativa e de presentacion deth Centre Europèu d’Empreses Innovadores (CEEI), de Casau.
Era presentacion anèc a cargue deth vicesindic 1èr e conselhèr d’Administracion Publica, Finances e Coneishement deth CGA, Luís Carlos Medina, acompanhat deth vicepresident 3au e deputat de Promocion Economica dera Diputació de Lleida, Pau Perdices.
Er encargat d’informar sus eth foncionament, e en qué consistissen es CEEI, siguec Josep Mª Barrufet, responsable d’innovacion e naues tecnologies deth CEEI de Lleida, qu’entre d’autes causes expliquèc qu’es Centres d’Iniciatives Empresariaus, nèishen ena Union Europèa, en tot pensar enes ambits ruraus, entà favorir era ajuda as emprenedors.
Actuaument ena província de Lleida i a quate CEEI en foncionament, e quate mès en procès de definicion, entre es que se tròbe eth CEEI De Casau ena Val d’Aran. |
|
Liger ms...
|
|
|
IV Edicion des Jornades Gastronomiques deth Caviar dAran
|
|
Diuendres, 02 de Mar de 2012 |
|
Pendent era pròplèu setmana, deth 5 ar 11 de març, se celèbre era IV Edicion des Jornades Gastronomiques deth Caviar d’Aran e es sòns derivats, eveniment gastronomic qu’aufrís menús, degustacions o pinchos damb caviar nacarii, producte que s’elabòre des der an 1.999 ena piscifactoria de Les.
Enguan participen tres restaurants: Era Lucana, Era Coquèla e Restaurant Urtau e 2 bars: Tauèrnes Urtau e Hosteria Catalana.
Cau rebrembar qu’eth caviar nacarii ei includit ena Marca de Garantia Productes dera Val d’Aran.
“Damb aguest tipe d’eveniment çò que volem ei potenciar eth torisme gastronomic damb productes elaborats ena Val d’Aran” a manifestat Anna Díaz, conselhèra de Torisme deth Conselh Generau d’Aran.
|
|
|