Elhuyar Fundazioa
Zientziaren Komunikazioa
Zientzia eta teknologia gizarteratzea eta horiekiko jakin-mina sortzeko baliabideak eta zerbitzuak eskaintzea dugu helburu. Zientzia-dibulgazioko baliabideak eskaintzen ditugu, hainbat formatutan eta hartzaile mota askorentzat: publiko orokorra, haurrak eta gazteak, eta publiko espezializatua. Zerbitzu espezializatuak eskaintzen ditugu.
Ikusi gehiago
Hizkuntza Zerbitzuak
Euskara garatzeko eta normalizatzeko hizkuntza-baliabide, -tresna eta -zerbitzuak sortzea eta eskaintzea da gure helburua. Itzulpen-zerbitzuak, hizkuntza-kalitateko zerbitzuak eta hiztegigintza-zerbitzuak eskaintzen ditugu. Hizkuntza-teknologietan, I+G+Bren aldeko apustu sendoa egiten dugu.
Ikusi gehiago
Azken argitalpenak
-
- Quantum. Einstein, Bohr eta errealitatearen izaeraren inguruko eztabaida handia
-
- Estatistika aplikatua. Teoria eta praktika
-
- Errepideen planifikazioa eta kudeaketa
-
- Zirkuituen teoria
-
- Elhuyar Zientzia eta Teknologia aldizkaria - 2012ko martxoa zkia.
Edizioak
Albisteak
- 2012/03/13
- Zientzia Live, Bizkaiko ikastetxeetan
- Elhuyar Fundazioak Zientzia Live! zuzeneko zientzia-emanaldiak jarri ditu abian Bizkaiko ikastetxeetan, UPV/EHUko Kultura Zientifikoaren Katedrarekin batera eta Bizkaiko Foru Aldundiaren babesarekin. Bizkaian zortzi emanaldi eskainiko dira.
Komunikabideei ekimena aurkezteko, emanaldi irekia eskaini da gaur Lauro ikastolan. Bertan Itziar Nogerasek eta Juan Ignacio Pérez Iglesias, UPV/EHUko Kultura zientifikoko katedraren arduradunak parte hartu dute. - 2012/03/13
- Herri ekimeneko euskarazko hedabideek sektorearen diagnostiko eta erronka komunak aurkeztu dituzte gaur goizean Andoainen
- GIPUZKOA BERRITZENekin batera egindako gogoetan sektorearen egoera eta etorkizuneko gakoak landu dira.Negozio eredua, lan baldintzak, kalitatea, lehiakortasuna, ikerketa eta elkarlana, azpimarratu dira ildo estrategikoak bezala. Horretaz gain, diagnostikoa abiapuntu moduan hartuta, erakundeei hausnarketa mahai bateratuak osatzeko deia egin zaie. Elhuyarrek ere parte hartu du gogoetan, eta bertako ondorioekin bat egiten du.
Ikusi gehiago - 2012/03/12
- Elhuyar hiztegia mugikorretarako, correo-com sarietan finalista
- Correo.com sarietan Elhuyar hiztegia (eu/es) mugikorretarako aplikazio onenen artean dago hautagai. Publikoaren saria eskuratzeko botoa eman daiteke martxoak 15a arte.
Ikusi gehiago - 2012/03/09
- Heriotzaz, taburik gabe, Elhuyar aldizkariaren martxoko zenbakian
Munduan, 150.000 pertsona inguru hiltzen dira egunean. Hala ere, askorentzat, heriotza tabua da. Elhuyar aldizkariaren martxoko zenbakian, gai zail bati aurre egiteko gogoz, heriotzari eskaini dizkiogu bi erreportaje. Lehenengoan, garbi hitz egiten da heriotzari buruz: zer den, nola gertatzen den, zer bilakaera duten organoek, zer bilakaera izan duen heriotzaren kontzeptuak berak azken urteetan... Taburik gabe. Luis Miguel Querejeta auzitegi-medikuarekin eta Felix Zubia medikuntza intentsiboan espezialistarekin errepasatu ditugu heriotzaren alderdi teknikoak eta alderdi emozionalak.
Horrez gain, hilzorian egon eta berpiztu diren batzuek izan dituzten bizipenak jaso ditugu bigarren erreportajean. Zer azalpen ematen die neurozientziak esperientzia horiei?Elhuyar aldizkaria dagoeneko salgai dago, liburu-denda nagusietan eta www.elhuyar.org webgunean.
Ikusi gehiago- 2012/03/02
- Elhuyarrek garatutako Musika Hiztegia, argitaratu da
- Elhuyar Fundazioak Hizkuntza Politikaren Sailburuordetzarako garatutako musika hiztegia paperean argitaratu da eta Euskaltermen dago kontsultagai. Hiztegiak 1.191 kontzeptu ditu, hiru arlotan antolatuak: musikaren teoria, musika-formak eta instrumentuak. Hiztegi-lanetan, Jon Bagues, Loreto Imaz eta Alicia Pinilla adituek parte hartu zuten, Antton Gurrutxaga eta Pili Lizaso Elhuyarkideekin batera.
Ikusi gehiago
- 2012/03/01
- "Zientzia eta teknologia gazteen begietan" mintegia martxoaren 30ean
- Euskal Herriko gazteek zientziaren eta teknologiaren gainean duten pertzepzioaren azterketa-lanaren emaitzak aurkezteko eta horren gaineko hausnarketa egiteko mintegia egingo dugu.
Horrez gain, zientzia gazteengana hurbiltzeko bertako eta kanpoko esperientziak ezagutuko ditugu.
Mintegia martxoaren 30ean izango da Donostiako San Telmo museoan.
Ikusi gehiago - 2012/02/08
- BerbaTek: hizkuntza-, ahots-, eta multimedia-teknologiak praktikan
- BerbaTek ikerketa-proiektuaren emaitzak aurkeztu dituzte Elhuyar Fundazioaren egoitzan egindako ekitaldian. VICOMTECH-IK4 teknologia-zentroak, TECNALIA Research and Innovation Fundazioak, UPV/EHUko Aholab eta IXA taldeek eta Elhuyar Fundazioak osatutako partzuergoak egin du ikerketa, Eusko Jaurlaritzaren Industria, Berrikuntza, Merkataritza eta Turismo eta Kultura sailen laguntzarekin. Horren erakusgarri, demo bana aurkeztu dute industria horretako hiru azpisektoreentzat: batetik, edukien sektorearentzat, bilatzaile semantiko multimedia baten demoa; bigarrenik, itzulpenen sektorerako, dokumentalen bikoizketa automatikorako demoa; eta, azkenik, irakaskuntza sektorearentzat, tutore pertsonal baten demoa.
Ikusi gehiago - 2011/12/07
- Quantum: Einstein, Bohr eta errealitatearen izaeraren inguruko eztabaida handia dibulgazio-liburua argitaratu berri du Elhuyar Fundazioak
- Elhuyar Fundazioak Manjit Kumar fisikari eta filosofo indiarraren Quantum: Einstein, Bohr eta errealitatearen inguruko eztabaida handia dibulgazio-liburua argitaratu berri du, euskaraz, eta Durangoko Liburu eta Disko Azokan dago salgai. Publiko orokorrari dago zuzendua zientzia-dibulgazioko liburu hau, “Z izpiak” serieko hirugarrena. Dagoeneko salgai dago liburua, 15 €-an, Elhuyarren on lineko dendan eta Durangoko Azokan bertan. Datorren astetik aurrera, liburu-denda nagusietan ere izango duzue.
Ikusi gehiago - 2011/11/17
- Elhuyar Fundazioak STIMULA hezkuntzako ikerketa-proiektu europarra koordinatuko du
- lhuyar Fundazioak Europako Batasunak finantzatutako STIMULA Stimulating Science And Technology Competences Through Innovative Means For Teaching And Learning (Zientzia eta Teknologiako gaitasunak estimulatzen hezkuntza-baliabide berritzaileen bidez) ikerketa-proiektua koordinatuko du. Bi urte iraungo du proiektuak, eta helburua da 12-18 urteko gazteak zientzia- eta teknologia-gaietan motibatzea. STIMULA proiektuan, Elhuyar Fundazioaz gain, honako erakunde hauek arituko dira elkarlanean, eratu duten partzuergoan: Zaragozako Unibertsitatea (Espainia); St. Mary’s University College Belfast (Ipar Irlanda/Erresuma Batua); Steinbeis ikerketa-zentroa eta Phaenovum elkartea (Alemania) eta National College Nicolae Titulescu ikastetxea (Errumania).
Ikusi gehiago
Nabigazioa
Menu nagusia
- Nor gara
- Prentsa-aretoa
- Lan-poltsa
Buletina
Elhuyarreko albisteen berri izan nahi duzu?
- RSS
Copyright © 2009 Elhuyar Fundazioa | Lege-oharra | Web-mapa
webmaster@elhuyar.com
Diseinua: Blanco