|
|
|
Greba eskubidearen alde
2012/03/20
ELA, LAB, ESK, STEE-EILAS, HIRU eta EHNE sindikatuok, greba baten atarian, lan sindikalaren eta greba eskubidearen urraketa eta kriminalizazioa salatu ditugu. 2011ko urtarrilaren 27ko greba orokorrean Gernika-Lumon pikete informatibo lanetan zirela lanuztea egin ez zuen langile bati bultzakada bat emateagatik, 72 urteko kartzela zigorra eta 108.000 euroko isuna eskatu du Fiskaltzak hemezortzi lagunen aurka, Bilbon ELA, LAB, EILAS, EHNE, ESK eta Hiru sindikatuek jakinarazi dugunez. Ertzaintzak identifikatu zituen lagun haiek denak, eta Fiskaltzak orain egin du eskaera, hurrengo greba orokorrerako astebete falta denean. "Beldurra sartzeko" egin du hori orain, sindikatuek diotenez. Tartean, Bizkaiko EHNEko idazkari nagusi dan Ainhoa Iturbe Ajangizeko baserritarra. Bakoitzeko zigor eskaera hiru urte eta bederatzi hilabeteko kartzela eta 6.000 eurokoa da. Horrelako kasuekin-eta sindikalismoa "kriminalizatzeko etengabeko prozesua" dagoela salatu dute ELA, LAB, EILAS, EHNE, ESK eta Hiru sindikatuek. "Boterean daudenei ahaztu egiten zaie greba egitea eskubide bat dela, lan duina, osasungintza, hezkuntza eta etxea izatea diren moduan. 2009tik egin ditugun greba orokorren deialdietan izandako balorazio guztietan bi gauza azpimarratu dira: lortutako mobilizazio eta atxikimendu maila, eta greba egunetan izandako istilu falta. Irekitako prozesu judizial honekin bestelako modelo ekonomikoa aldarrikatzen dugunon kriminalizazioa bilatzen da". Joan den urteko urtarrileko greba Espainiako Gobernuaren pentsio erreformaren aurkakoa izan zen. Datorren martxoaren 29koa lan erreformaren kontrakoa izango da.
Baserri Bizia Instan a retirar la "criminalización" con cárcel y multa de un piquete informativo Elkartasuna adierazteko, datorren martxoaren 23an, ostirala, arrastiko 19:00etan Gernikan kontzentrazioa. Lan sindikalaren kriminalizazioaren kontra
|
|
|